Beicio
Mae beicio yn ffordd wych o dreulio amser yn yr awyr agored,
cael ymarfer corff a gweld rhannau o Gastell-nedd Port Talbot. Mae
amrywiaeth o lwybrau beicio diogel sy'n ddelfrydol i deuluoedd, o
hen draciau rheilffordd i lwybrau halio tawel ar hyd camlesi.
Drwy ddefnyddio'r wybodaeth a ganlyn, gallwch ddewis llwybr sy'n
addas i chi.
Llwybrau
Gallwch gael manylion llawn a map o'r llwybrau beicio yng
Nghastell-nedd Port Talbot drwy fynd i wefan Cyngor
Castell-nedd Port Talbot.
Amlinellir rhai o'r llwybrau gorau yng Nghastell-nedd Port
Talbot isod.
Parc Coedwig Afan
Mae llwybrau beicio ar dir isel ym Mharc Coedwig Afan, sy'n mynd
ar hyd llawr y dyffryn, yn boblogaidd iawn. Mae llwybr gwych i'r
teulu gyda mannau aros am bicnic a lluniaeth ar y ffordd, yn 36km i
gyd.
Llwybr Cwm Tawe
Mae Llwybr Beicio Cwm Tawe’n rhan o Lwybr 43 y Rhwydwaith Beicio
Cenedlaethol, sy’n mynd drwy ganol Cwm Tawe o Drebannws i
Ystalyfera. Mae’r llwybr ger yr afon yma’n dechrau yn Nhrebannws,
ac yn mynd drwy dref ddeniadol Pontardawe cyn mynd i gyfeiriad y
gogledd i Ystalyfera.
Y Lôn Geltaidd
Mae'r Lôn Geltaidd yn rhan o'r Rhwydwaith Beicio Cenedlaethol ac
yn un o'r darnau mwy hamddenol a phleserus. Mae'n mynd â chi ar hyd
promenâd Aberafan gyda golygfeydd gwych ar draws Bae Abertawe.
Y Lefelau Uchel
I gael rhywbeth ychydig mwy anturus, beth am roi cynnig ar y
Lefel Uchel o Gwm Rhondda i lawr i harddwch Cwm Nedd gan ddilyn
llwybr y gamlas o Donna i Lansawel.
I gael rhagor o lwybrau hygyrch yng Nghastell-nedd Port Talbot,
ewch i www.npt.gov.uk/cycling
Os ydych yn beicio yn ardaloedd y coedwigoedd, dilynwch Reolau
Diogelwch Beicio yn y Goedwig, sef:
- Byddwch yn barod am yr annisgwyl! Peidiwch â mynd yn rhy
gyflym
- Cofiwch fod cerbydau eraill yn defnyddio ffyrdd y goedwig!
- Ildiwch i gerddwyr, a byddwch yn gwrtais i ddefnyddwyr eraill y
goedwig
- Peidiwch â mynd yn agos at waith yn y goedwig
- Beiciwch yn ofalus
- Peidiwch â goddiweddyd cerbyd sy’n llwytho coed nes i chi gael
caniatâd i wneud hynny.
Er eich diogelwch eich hun wrth feicio mewn ardaloedd eraill,
dilynwch
reolau'r ffordd fawr.
Linciau defnyddiol